कञ्चनपुरमा बस दुर्घटना हुँदा ३१ जना घाइते
समाचार सुन्नुहोस :
काठमाडौँ – कञ्चनपुरको शुक्लाफाँटा नगरपालिका-११ स्थित कलुवापुरमा शनिबार साँझ बस दुर्घटना हुँदा ३१ जना घाइते भएका छन्। पूर्व-पश्चिम राजमार्गमा धनगढीबाट महेन्द्रनगरतर्फ गइरहेको ना ४ ख ७७५५ नम्बरको बस दुर्घटनामा परेको हो।
घाइतेमध्ये दुई जनाको अवस्था गम्भीर रहेको जिल्ला प्रहरी कार्यालयका सूचना अधिकारी प्रहरी नायब उपरीक्षक उमेश जोशीले जानकारी दिए। घाइतेहरूको अत्तरिया र महेन्द्रनगरस्थित महाकाली अस्पतालमा उपचार भइरहेको छ। दुर्घटनाको कारणबारे अनुसन्धान भइरहेको प्रहरी नायब उपरीक्षक जोशीले बताएका छन्।
The post कञ्चनपुरमा बस दुर्घटना हुँदा ३१ जना घाइते appeared first on Samudrapari.
