फोरेक्स रेमिटेन्सद्वारा मोबाइल एप्लिकेसन सञ्चालन
टोकियो – जापानबाट नेपाल लगायत विश्वका विभिन्न देशहरूमा पैसा पठाउँदै आइरहेको फोरेक्स रेमिटेन्सले मोबाइल एप्लिकेसन सञ्चालनमा ल्याएको छ । ग्राहकहरूको सेवालाई अझ बढी छिटो, छरितो र सहज बनाउने उद्देश्यले एन्ड्रोइड र आइफोनको लागि मोबाइल एप्लिकेसन सञ्चालनमा ल्याएको हो ।
ऐप्लिकेशन कम्पनीको ब्राण्ड FJPAY को नामबाट playstore र apple स्टोरमा उपलब्ध छ । कम्पनीले एप्लिकेसनमार्फत कारोबार गर्ने ग्राहकलाई उत्कृष्ट रेट सहितको सेवा प्रदान गर्ने कम्पनीका डाइरेक्टर बाबुराम पौडेलले जानकारी दिए । उनकाअनुसार विभिन्न उपहार योजनाहरू समेत सञ्चालन गर्दै आएको फोरेक्स रेमिटले निकट भविष्यमै आफ्नै wallet सहितको सेवा विस्तार गर्नेछ ।
फोरेक्सले जापानमा रहेका नेपाली खेलाडीहरूको क्षमता अभिवृद्धि गर्नका लागी डाईमंड नारिता एफ सी सँग सम्झौता गरेको छ । चिवामा रहेर फुटबल क्लब मार्फत विभिन्न खेलकुद क्षेत्रमा क्रियाशील रहेको उक्त डाईमंड नारिता एफ सी सँग एक वर्षको लागी सम्झौता गरेको हो ।
शुक्रबार टोकियोको कामता स्थित फोरेक्स कम्पनीको कार्यालयमा एक कार्यक्रमको आयोजना गरी फुटबल क्लबका म्यानेजर नवीन दीप गुरुङ र फोरेक्सका डाइरेक्टर बाबुराम पौडेलले सम्झौता पत्रमा हस्ताक्षर गरेका हुन् ।
The post फोरेक्स रेमिटेन्सद्वारा मोबाइल एप्लिकेसन सञ्चालन appeared first on Samudrapari.
