माटो खन्ने क्रममा ढुंगाले च्यापिएर एक महिलाको मृत्यु
वीरेन्द्रनगर— घर लिप्ने माटो खन्ने क्रममा ढुंगाले च्यापिएर एक महिलाको मृत्यु भएको छ। गुर्भाकोट नगरपालिका–७ सानोठकेनीकी ३८ वर्षीया ज्योती वलीको मृत्यु भएको जिल्ला प्रहरी कार्यालय सुर्खेतले जनाएको छ ।
वली बिहीबार खोलाको छेउमा माटो खन्न गएकी थिइन् । माटो खन्दै गर्दा माथिबाट खसेको ढुंगाले च्यापेर प्रहरीले जनाएको छ । प्रहरीका अनुसार मृतकको शव पोष्टमार्टमको लागि मेहलकुना अस्पतालमा राखिएको छ ।
