राजविराज । नेपाल विमा प्राधिकरण मधेश प्रदेश कार्यालका प्रमुख प्रिती देवले विमाले अन्तर्राष्ट्रिय सम्बन्ध विस्तार गर्न समेत सहज हुने कुरा बताएकी छिन ।

विहीवार राजविराजमा प्राधिकरणद्वारा आयोजना गरिएको सप्तरीका पत्रकारहरुसंगको अन्तरक्रिया तथा छलफल कार्यक्रममा उनले यस्तो बताएकी हुन ।

प्राधिकरणले विमा कम्पनीहरुलाई नियमको परिधी भित्र रहेर काम गरे–नगरेको अनुगमन गर्ने समेत अधिकार राख्ने बताउदै उनले पद्धती मिचेर काम गर्ने विमा कम्पनीहरुलाइ कारवाही पनि गर्न सक्ने उल्लेख गरिन ।

थोरै आय भएका ब्यक्तीहरुलाई पनि विमामा कसरी सहभागी गराउन सकिन्छ भन्ने सोचका साथ प्राधिकरणले काम गरिरहेको उनको भनाई छ । नयाँ विमा नियमावली आउने क्रममा रहेको बताउँदै उनले उक्त नियमावली न आउन्जेल सम्म विमा सम्बन्धि नियमावली २०४९ अनुसार नै काम गरिने बताईन ।

विमा सबैका लागी अत्आवश्यक रहेको दाबीका साथ उनले बिमा गर्दा कम्पनीको बैद्यता रहे–नरहेको, प्राधिकरणमा दर्ता भए–नभएको लगायतका विषयमा पुर्ण जानकारी लिएर मात्र विमा गराउन उनले आग्रह गरिन ।

उनले विमा योजनालाइ कसरी गाउँ–गाउँमा पु¥याउने र थोरै आय भएका ब्यक्तीलाई कसरी विमामा जोडने लगायतका विषयमा सचेतना र्फलाउने उदेश्यले पनि यस्तो कार्यक्रम रोजिएको बताइन । उनले उक्त कार्यक्रम सफल बनाउन सञ्चारकर्मीहरु संग सहयोग संगै आवश्यक रायसुझाव समेत मागिन ।

पत्रकार महासंघ सप्तरीका अध्यक्ष श्रवण कुमार देवको प्रमुख आतिथ्यमा आयोजित उक्त कार्यक्रममा प्राधिकरणको मधेश प्रदेश कार्यालयका सहायक निर्देशक रोमिला शर्माले पनि सञ्चारकर्मीहरुको विभिन्न जिज्ञासाको जवाफल दिएकी थिइन् ।

The post ‘विमाले सम्बन्ध विस्तारमा सहयोग पुग्छ’ appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/103817/