इजरायली प्रधानमन्त्री बेन्जामिन नेतन्याहुले अमेरिकी राष्ट्रपति चुनावको मतगणना चलिरहेकै समयमा डोनाल्ड ट्रम्प र उहाँकी पत्नी मेलानियालाई जितको बधाई दिनुभएको छ ।

नेतन्याहुले एक्समा लेख्नुभएको छ इतिहासकै सबैभन्दा ठूलो पुनरागमनको शुभकामना । उहाँले लेख्नुभएको छ ह्वाइट हाउसमा तपाईंको ऐतिहासिक पुनरागमन अमेरिकाका लागि नयाँ सुरुआत हो । यसले इजरायल र अमेरिकाको महान गठबन्धनप्रति बलियो प्रतिबद्धतालाई पुनः पुष्टि गर्दछ । यो एक विशाल जित हो। तपाईंका सच्चा साथी, बेन्जामिन र सारा नेतन्याहु।

डोनाल्ड ट्रम्पले आफ्ना समर्थकहरूलाई सम्बोधन गर्दै फ्लोरिडामा आफ्नो जितको घोषणा गरिसक्नु भएको छ ।

उहाँले राष्ट्रपतिमा विजयी हुन आवश्यक २७० इलेक्टोरल मत मध्ये २६७ मत पाउनु भएको छ ।

मत गणना भइरहेका राज्यहरुमा ट्रम्पको अग्रता कायम रहेकाले उहाँको जीत हुने संभावना बलियो बनेको विश्लेषकहरुले बताएका छन ।

Source : https://www.khasokhas.com/211327