धनगढी । कैलालीमा एकजना महिला दुई महिनादेखि घरपरिवारबाट सम्पर्कविहीन भएकी छन् । जिल्लाको गोदावरी नगरपालिका ९ बल्मीकी ४३ वर्षीया लक्ष्मी दमाई पाँच छोराछोरी छोडेर घरपरिवारबाट सम्पर्कविहीन भएकी हुन् ।

दुई महिनादेखि सम्पर्कविहीन

लक्ष्मी गत १५ भदौदेखि घरपरिवारको सम्पर्कमा छैनन् । लक्ष्मीका तीन छोरा र २ छोरी छन् । भदौ १५ गते दिउँसो करिब ३ बजेतिर ८ वर्षीय छोरा महेशलाई आफन्तलाई पैसा मागेर ल्याउन जान्छु भनेर घरबाट निस्केकी लक्ष्मीसँग त्यसयता कुनै सम्पर्क हुन नसकेको लक्ष्मीका श्रीमान भीम दमाईले बताए ।

बिना कारण एक्कासी लक्ष्मी सम्पर्कविहीन भएपछि घरमा छोराछोरीको विचल्ली भएको भीमले बताए । लक्ष्मीले प्रयोग गर्ने मोवाइल स्वीचअफ रहेको छ । उनले ९७०३२२९००४ नम्बरको मोवाइल प्रयोग गर्ने गरेको लक्ष्मीकी छोरी पुजाले बताइन् ।

भीमले श्रीमती लक्ष्मी सम्पर्कविहीन भएको भनेर तीन दिनपछि अर्थात् भदौ १८ गते इलाका प्रहरी कार्यालय मालाखेतीमा निवेदन समेत दर्ता गराएका छन् । तर लक्ष्मी अहिलेसम्म कहिँकतै फेला नपरेको प्रहरीले जनाएको छ । लक्ष्मी सम्पर्कविहीन भएपछि माइती पक्ष पनि चिन्तित बनेका छन् ।

लक्ष्मीलाई एक जना अपरिचित पुरुष मोटरसाइकलमा सधैं भेट्न आउने गरेको स्थानीयको भनाई रहेको छ । स्थानीयकाअनुसार भदौ १५ गते लक्ष्मीसँगै एक जना पुरुष र महिला अटो चढेर घरबाट पूर्वतिरको बाटोमा गएका थिए ।

घरबाट लक्ष्मीले १० हजार रुपैयाँ लिएर गएको भीमले बताए । लक्ष्मीकी छोरी पुजाकाअनुसार भारतबाट भाइ (लक्ष्मीका छोरा) ले हरेक महिना १५ देखि २० हजार रुपैयाँ पठाउने गरेको थियो । तर, त्यो पैसा बुवा (भीम) लाई समेत जानकारी नगराएर आफै खर्च गर्ने गरेकी थिइन ।

लक्ष्मी सम्पर्कविहीन भएको भनेर निवेदन आएको छ । उनले बोक्ने मोवाइल स्वीच अफ छ । उनको ’bout खोजविन भइरहेको इलाका प्रहरी कार्यालय मालाखेतीले जनाएको छ ।

The post कहाँ होलिन् लक्ष्मी ? appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/102917/