कोटेश्वरबाट महिला अपहरण, प्रहरी परिचालन
काठमाडौं ।
काठमाडौंको कोटेश्वरबाट लगेर एक महिलालाई अपहरण गरेर बन्धक बनाइएको छ ।
बन्धक बनाएर फिरौती मागेको भन्ने सूचना पाएपछि अपराध अनुसन्धान कार्यालय, टेकुको टोली अनुसन्धानमा परिचालित भएको छ ।
वैदेशिक रोजगारीमा पठाइदिन्छु भनेर १६ लाख लिएको विषयमा विवाद हुँदा आरोपीहरूले महिलालाई बन्धक बनाएकाे प्रहरीले बताएको छ ।
उपत्यका अपराध अनुसन्धान कार्यालयले घटनाबारे अनुसन्धान थालेको छ ।
