गत साताको बाढी पहिरोमा परेर दुई सय ३९ जनाको मृत्यु, १८ जना अझै बेपत्ता
काठमाडौं– असोज ११ र १२ गतेको अबिरल वर्षाका कारण आएको बाढीपहिरामा परी हालसम्म दुई सय ३९ जनाको मृत्यु भएको छ भने १८ जना बेपत्ता छन् । विपत्तीमा परेर एक सय ७८ जना घाइते भएको गृह मन्त्रालयका प्रवक्ता ऋषिराम तिवारी जानकारी दिए ।
तिवारीका अनुसार हालसम्म बाढीपहिरो प्रभावित क्षेत्रबाट १७ हजार एक सय २० जनाको उद्धार गरिएको छ । सहायता परिचालन र अवरुद्ध राजमार्गको मर्मत गरी यातायात सञ्चालन गर्न प्रयास भइरहेको उनले बताएका छन् ।
