नेपालले अमेरिकाविरुद्धको टी–२० आई सिरिजअन्तर्गतको दोस्रो खेलमा पनि जित निकालेको छ ।

अमेरिकाको डालसस्थित ग्रान्ड प्रेरी स्टेडियममा भएको दोस्रो खेलमा नेपालले अमेरिकालाई सुपरओभरमा हराएको हो ।

सुपरओभरमा अमेरिकाले दिएको तीन रनको लक्ष्य नेपालले चार बलमा पूरा गरेको हो । यो सँगै नेपालले शृंखलामा २–० को अग्रता बनाउँदै एक खेलअगावै सिरिजको उपाधि जितेको छ ।

आइतबारको खेलमा नेपालले अमेरिकाविरुद्ध टस जितेर ब्याटिङ गर्ने निर्णय लिएको थियो ।

खेलमा नेपालले निर्धारित २० ओभरमा १७० रन बनाउँदै अमेरिकालाई १७१ रनको लक्ष्य दियो ।

जवाफी ब्याटिङमा उत्रिएको अमेरिकाले पनि १७० रन नै बनाएपछि खेल सुपरओभरमा पुगेको हो ।

Source : https://www.khasokhas.com/210912