काठमाडौं । केही महिना अघि नेपालमा रिलिज गरिएको चलचित्र ‘काँडेतार’को दशैंको अबसर पारेर बेलायतमा बिशेष प्रदर्शन सुरु गरिएको छ । यो चलचित्रको आश्फोर्ड युकेको सिङ्गलटन हलमा विशेष शो आयोजना गरिएको गायिका तथा यो चलचित्रकी निर्माता सत्यकला राईले राजधानीलाई बताईन् ।

‘देशको माटो र मान्छे जोगाउने उदेश्यको साथ निर्माण भएको देशभक्तिपुर्ण चलचित्र काँडेतारको बेलायतमा विभिन्न शो राखिएको छ । हाम्रो चलचित्रलाई बेलायतबासी नेपालीहरुले देखाउनु भएकोे प्रेम र सद्भावप्रति हामी खुसी छौं ।’ सत्यकलाले राजधानीसँग भनिन् । चलचित्र प्रदर्शन अघि आफुले आधा दर्जन गीतहरु पनि प्रस्तुत गरेको सत्यकलाले जनाईन् ।

यो चलचित्रमा नवल खडका, गौरब पहाडी, रेविका गुरूङ्ग, प्रशान्त यादब, सुरबिना कार्की, मुरलिधर, संजय खतिवडा, रोमियन लिम्बु, प्रेम सुब्बा, पर्शुराम चौधरी, पुष्प श्रेष्ठलगायतको अभिनय रहेको छ ।

नवल खडकाको निर्देशन रहेको काँडेतारको कार्यकारी निर्मातामा सत्यकला राई, लेखकमा शिवम् अधिकारी र नवल खड्का, छायांकारमा सौरभ लामा, द्वन्द्व निर्देशकमा श्री श्रेष्ठ, नृत्य निर्देशकमा कविराज गहतराज रहेका छन् ।

The post बेलायतमा रुचाइयो काँडेतार appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/101833/