बेवारिसे अवस्थामा रहेको सामानसहितको ट्रक नियन्त्रणमा
काठमाडौँ।
भारतबाट अवैध रुपले नेपाल ल्याई बेवारिसे अवस्थामा राखेको सामानसहितको ट्रक बिहीबार सशस्त्र प्रहरीले कैलालीको धनगढी उपमहानगरपालिका–४ उत्तरवेडी हिलाकाबाट नियन्त्रणमा लिएको छ ।
विशेष सूचनाको आधारमा सशस्त्र प्रहरी बल नेपाल प्रस्तावित सीमा सुरक्षा गुल्म त्रिनगरबाट खटिएको सुरक्षा फौजले ना ४ ख ५७८४ नम्बरको ट्रकमा लोड गरी बेवारिसे अवस्थामा रहेको १ सय ४० किलो चिनी, ३३ बोरा धान र २० पोका भुजा बरामद गरेको हो ।
बरामद सामान तथा ट्रक आवश्यक कारवाहीको लागि कैलाली भन्सार कार्यालय धनगढीमा बुझाइएको प्रहरीले जानकारी दिएको छ। उक्त सामान तथा ट्रकको भन्सार दाखिला मूल्य ४६ लाख १९ हजार ६ सय रुपैयाँ रहेको छ ।
_Gd3CD4nyf5.jpg)
