अमेरिकाका राष्ट्रपति जो बाइडेनले अमेरिकाले उपलब्ध गराएका लामो दूरीका क्षेप्यास्त्रहरू रुसमा प्रहार गर्न युक्रेनलाई अनुमति दिएपछि ठूलो युद्धको डर बढेको छ । अमेरिकाको यो निर्णयप्रति रुसमा चर्काे आक्रोश व्यक्त भएको छ । तर रुसी राष्ट्रपति भ्लादिमिर पुटिन भने अझै मौन रहनुभएको बीबीसीले जनाएको छ । रुसले युक्रेनलाई रुसभित्र अमेरिकी क्षेप्यास्त्रहरू प्रयोग गर्न अनुमति दिएर बाइडेनले आगोमा तेल थप्ने काम गरेको बताएको छ । यदि अमेरिकाले प्रदान गरेको क्षेप्यास्त्र रुसभित्र प्रहार भयो भने रुसले यो आक्रमणलाई युक्रेनबाट नभई अमेरिकाबाट नै भएको र...

Source : https://ujyaaloonline.com/story/108978/2024/11/18/kremlin-says-biden-throwing-oil-on-fire