सिन्धुली । हरिहरपुरगढी गाउँपालिका वडा नं. ५ को द्धारखोला पुलमा बस दुर्घटना भएको छ । काठमान्डौबाट भोजपुरतर्फ यात्रु बोकेर जाँदै गरेको बागमति प्रदेश– ०१–००६ख ६७८५ नम्बरको बस दुर्घटना हुँदा २ जनाको घटनास्थलमै मृत्यु भएको प्रारम्भिक जानकारी आएको छ ।

बसमा चालिस जना भन्दा बढी यात्रु रहेको र घाईतेहरुको प्राथमिक स्वास्थ्य केन्द्र कपिलाकोटमा प्रारम्भिक उपचारपछि थप उपचारका लागि सिन्धुली अस्पतालमा ल्याईदै छ ।

पाँच बजेसम्म सिन्धुली अस्पतालमा २ जनाको शव र १८ जना घाईतेलाई ल्याईएको छ भने बाँकी घाईतेहरु ल्याउने क्रममा रहेको बताईएको छ । अस्पतालमा ल्याईएका मध्ये ६ जनाको अवस्था गम्भिर रहेको सिन्धुली अस्पतालका प्रमुख अभिशेष थपलियाले जानकारी दिएका छन ।

घटनास्थलमा महेन्द्रझाडी प्रहरी चौकी, इलाका प्रहरी कार्यालय कपिलाकोटको टिम र जिल्ला प्रहरी कार्यालय सिन्धुलीका एसपी गोविन्दराज काफ्ले सहितको टोली, सशस्त्र प्रहरी, रेडक्रस र स्थानीयहरु खटिएका छन । उद्धार र उपचारको काम जारी छ भने विस्तृत विवरण आउन बाँकी छ ।

The post सिन्धुलीको द्वारखोलामा बस दुर्घटनामा, २ जनाको घटनास्थलमै मृत्यु appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/101965/