काठमाडौं । सलोन सलिना फिल्मस् प्रालिको व्यानरमा अभिनेता सलोन बस्नेताले नयाँ चलचित्र ‘रंगी’ को निर्माण घोषणा गरेका छन् । घटस्थापनाको अबसर पारेर बुधबार काठमाडौंमा कमलादी स्थित गणेश मन्दिरमा स्क्रिप्ट पुजा सहित यो चलचित्रको निर्माण घोषणा गरियो ।

चलचित्रलाई सुरेश न्यौपानेले निर्देशन गर्ने सलोनले बताए,‘चलचित्रको स्कृप्ट ससक्त भएकाले यसमा म निर्माताको रुपमा जोडिएको हो ।’ चलचित्र घोषणा समारोहमा सलोनले सञ्चारकर्मीलाई बताए ।

यो चलचित्रमा सलोन बस्नेत, नम्रता श्रेष्ठ, दिलीप रायमाझी, आरुषी कार्की, विशाल पहारी र सुमिन गुरुङको अभिनय रहनेछ । फिल्मको छायांकन दशैं सकिए लगत्तै ५ कार्तिकबाट सुुरु गर्ने पनि सलोनले बताए ।

सलोनले चलचित्र टाइटल पोस्टर पनि सार्वजनिक गरिसकेको छन । जहाँ साइकलमा बसिरहेकी एक बालिका र उनीसँग खेल्दै गरेका एक पुरुष देखाइएको छ । चलचित्रमा बाबु छोरीको कथालाई चित्रण गरिने भएको छ ।

यसको निर्मातामा सक्षम सुवेदी पनि छन् । यसमा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, कविराज गहतराज र शिशिर खातीको कोरियोग्राफी तथा केवलमान सिंह बस्नेतको प्रोडक्सन हुनेछ ।

The post अभिनेता सलोन पनि चलचित्र निर्माणमा, सुरु गरे रंगी appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/101740/