उदयपुर । तिहार नजिकिँदै गर्दा गाईघाटमा सयपत्री फूल ढकमक्क फूलेका छन् । व्यावसायिक रूपमा फूलखेती गर्दै आएका कृषि प्राबिधिक विद्यार्थीले यति बेला फूल तयार पारि सकेका छन् । अबको केही दिनमा फूल टिपेर माला उन्ने तयारीमा रहेको फूलखेती गदै आएका कृषि प्राबिधिक विद्यार्थीहरु बताउँछन् ।

तिहार र छठ पर्वको बजार मागलाई लक्षित गरी उदयपुरमा कृषि प्राविधिक विद्यार्थीहरुले व्यावसायिक फूल खेती गरेका छन् । कटारी नगरपालिका–४ त्रिवेणीस्थित कृषि प्राविधिक धारका विद्यार्थीहरुले सयपत्री फूल खेती गरेका हुन् । समूहका व्यवस्थापक त्रिसम कार्कीका अनुसार यो वर्ष १० कठ्ठा क्षेत्रफलमा सयपत्री फूल रोपिएको छ । लामो समयदेखि फूलमा परनिर्भर रहेको जिल्लालाई आत्मनिर्भर बनाउने उद्देश्यले फूल खेती थालेकाहौं,” कार्कीले भने ।

त्रियुगा नगरपालिका– १० बोक्सेस्थित १० कठ्ठा जग्गा भाँडामा लिएर पुष्प खेति गरेका हुन । कार्की सहित राजु ठाकुर, राजु थापा, युनिष राई, गौरब कार्की, रोदन सुबेदी, एलिशा थापा, रिता मगराती र सुस्मीता पुलामी मगर गरी नौ जना विद्यार्थीको समूहले गत वर्षदेखि फूल खेती सुरु गरेका हुन् ।

समूहले अघिल्लो वर्ष १७ कठ्ठामा फूल खेती गरी जिल्लाको सदरमुकाम गाईघाट, कटारी र बेल्टार बेलका रामपुर लगायतका बजारमा बिक्री गरेको थियो । प्राविधिक धारमा पढ्दै, सिक्दै र कमाउँदै” भन्ने नारा सहित विद्यार्थीहरुले कक्षामा सिकेका सीपलाई व्यवसायमा उतारेका छन् । अघिल्ला वर्षहरुमा भारतबाट हुने फूलको अत्यधिक आयातलाई कम गर्न सहयोग पुगेको थियो ।

उनीहरु अध्यायनसँगै व्यावसायिक रूपमा फूलखेती गर्दै आएका उनी यही व्यवसायमा सन्तुष्ट छन् । बालि विज्ञान विषयमा तीन वर्षे डिप्लोमा तह (आइएस्सीएजी) अध्ययन गरेका उनीहरुले पढदै कमाउँदै गर्ने क्रममा बिगत देखि फुलखेति गर्दै आएका छन् । गत वर्ष तिहारको समयमा १७ कठ्ठा क्षेत्रफलमा फुलखेति गरेका थिए । उनीहरुले यस वर्षको तिहारका लागि पनि फूल फुलाइ सकेका छन् ।

विशेषगरी तिहार लगायत चाडपर्वको बेला बढी माग हुन्छ’, उनले भने, ‘यस पटक पनि माग आउन थालि सक्यो । अबको केही दिनमा फूल टिपेर माला बनाउन सुरु गछौँ ।

प्लास्टिकजन्य माला विस्थापित
तिहारको अबसरमा त्रियुगा नगरपालिकाले प्लास्टिकजन्य मालाको प्रयोगलाई निषेध गर्ने भएको छ । स्थानीय उत्पादनलाई प्रोत्साहन गर्न नगरपालिकाले पालिकाभित्र रहेका पुष्प व्यावसायिकले उत्पादन गरेको सयपत्री फूलको माला प्रयोग गर्न आग्रह पनि गरेको छ । जिल्लामै व्यावसायिक रूपमा फूलखेती भएपछि बाहिरबाट आउने कृत्रिम मालालाई विस्थापित गर्न सघाउ पुगेको जानकारहरू बताउँछन ।

The post कृषि प्राबिधिक विद्यार्थीद्वारा व्यावसायिक फूल खेती appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/102568/