काठमाडौं । कृषि विकास बैंकले बाढीपहिरो तथा डुबान पीडितको सहयोगार्थ प्रधानमन्त्री दैवी प्रकोप उद्धार कोषमा डेढ करोड रुपैयाँ प्रदान गरेको छ ।

बैंकका पदाधिकारीहरुले प्रधानमन्त्री तथा मन्त्रिपरिषद्को कार्यालय पुगेर प्रधानमन्त्री केपी शर्मा ओलीलाई एक करोड ५० लाखको चेक हस्तान्तरण गरेका हुन् । बैंकले हस्तान्तरण गरेको रकम प्रधानमन्त्री दैवी प्रकोप उद्धार कोषमा जम्मा भइसकेको छ ।

बैंक तथा वित्तीय संस्थाको सहयोग रकमबाट बाढीपहिरो पीडितको राहत तथा पुनःस्थापनाको काममा टेवा पुग्ने प्रधानमन्त्री केपी शर्मा ओलीले बताएका छन् ।

कृषि विकास बैंक लिमिटेडले आफ्नो संस्थागत सामाजिक उत्तरदायित्व कार्यक्रम अन्र्तगत विगतमा पनि भूकम्पबाट प्रभावित र कोरोना महामारीबाट पीडितहरुको लागि नेपाल सरकारबाट गठित उद्धार कोषमा रकम जम्मा गरेको थियो ।

Source : https://arthasarokar.com/2024/10/agriculture-development-bank-3.html