काठमाडौं । निर्देशक दीपेन्द्र गौचनले आफ्नो चलचित्र ‘मिसिङः केटी हराएको सूचना’लाई आगामी ३० कात्तिकमा रिलिज गर्दैछन् । उनले दशैंको अबसर पारेर सोमबार यो चलचित्रको फस्ट लुक्स (पोस्टर) सार्वजनिक गरेका छन् । जसमा अभिनेता नाजिर हुसेन र अभिनेत्री सृष्टि श्रेष्ठलाई समेटिएको छ । जनकपुर आसपास छायाँकन गरिएको यो चलचित्रको फस्ट लुक्समा रेलको लिकमा नाजिर र सृष्टीलाई प्रस्तुत गरिएको छ । पहाड र मधेशको कथा भएका कारण कलाकार र रेलको पृष्ठभूमिमा पहाड र तराईको दृश्य छ ।

ट्री सिटी पिक्चर्स प्रस्तुतकर्ता रहेको फिल्म ट्री सिटी पिक्चर्स व्यानरमा निर्माण भएको हो । ३२ वर्षअघिको डकु–ड्रामा ‘उजेली’का निर्देशन गरेका दीपेन्द्र गौचनको त्यसपछि यो फिचर नेपाली चलचित्र हो । यसमा गौचनकै स्क्रिप्ट लेखन छ ।

यो चलचित्रमा नाजिर, सृष्टि र सञ्जयसँगै अमितेष शाह, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, मनोज शाह, अर्जुन पोखरेल र ओमप्रकाश कर्णको अभिनय छ ।

नकिम उद्दिन कार्यकारी निर्माता रहेको फिल्ममा मनोहर दास मुल, अनिन राजभण्डारी, राजीव थापा, रोबिन थापा, राधेश पन्त, महेन्द्र शाक्य, ज्योतिमान शेरचन, चन्द्र भट्टचन, सञ्जय भट्टचन सह–कार्यकारी निर्माता छन् । चलचित्रमा अमर महर्जनको डीओपी, निमेष श्रेष्ठको सम्पादन, शंकर महर्जनको द्वन्द्व निर्देशन, दीपेन्द्र गौचन, प्रवेश मल्लिक र करण थापाको संगीत छ ।

The post केटी हराएको सूचनाको फस्ट लुक्स appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/101989/