फागुन २ मा अनमोल भर्सेस दयाहाङ
फिल्म ‘दुखी आत्मा’लाई फागुन २ गतेबाट रिलिज गर्ने घोषणा यसको निर्माणपक्षले गरेको छ । सफल निर्देशक दीपेन्द्र लामाको लेखन तथा निर्देशन रहेको यो फिल्मलाई भ्यालेन्टाइन डेको अवसर पारेर रिलिज गर्न लागिएको हो । फिल्ममा दयाहाङ राई, आँचल शर्मा, अनुप विक्रम शाही, वुद्दि तामाङ, रेयर राई लगायतका कलाकारहरुको अभिनय छ ।
क्लकवर्क क्रियशनको ब्यानरमा निर्माण भएको यो फिल्मले सामाजिक कथालाई प्रस्तुत गरेको छ ।
हिमाल कडरिया निर्माता रहेको फिल्ममा सुदिप ढकाल कार्यकारी निर्माता, आलोक शुक्लाको छायांकन छ । फिल्मलाई आरआर फिल्मस्ले वितरण गर्नेछ । यो मितिमा फिल्म ‘जेरीः अन टप’ पनि रिलिज हुने पक्का भइसकेको छ । यसैले, बक्स अफिसमा अनमोल र दयाहाङको भिडन्त हुने देखिएको छ ।
_OXhFlTvluG.jpg)
