फेरी चल्यो काठमाडौँदेखि दिल्ली उड्न लागेको विमानमा बम राखिएको हल्ला, प्रहरीले जाँच गर्दै !
काठमाडौँ । काठमाडौँबाट भारतको दिल्ली उड्न लागेको विमानमा बम भएको हल्ला चलेको छ ।
सोमबार त्रिभुवन अन्तराष्ट्रिय विमानस्थलबाट दिल्लीका लागि उड्ने तयारी गरेको विमानमा बम राखिएको हल्ला चलेको हो ।
विमानस्थल कर्मचारीका अनुसार विमानमा बम राखिएको भन्ने सूचना आएपछि हाल नेपाल प्रहरी र नेपाली सेनाको टोलीले विमानमा चेकजाँच गरिरहेको छ । चेकजाँचमा तालिमप्राप्त कुकुर पनि परिचालन गरिएको छ ।
यसअघि पनि दिल्लीबाट काठमाडौँ आएको भिस्ताराको जहाजमा बम भएको हल्ला फैलिएको थियो । पछि प्रहरी र सेनाको टोलीले जाँच गर्दा कुनै पनि शंकास्पद वस्तु फेला परेको थिएन ।
