मिटरब्याज पीडितहरुले जिल्ला प्रहरी कार्यालय घेराउ गर्दै प्रदर्शन गरेको छ ।

मिटरब्याज पीडित संघर्ष समिति सर्लाहीले अनुचित लेनदेन सम्बन्धी मुद्दामा प्रहरीले ढिलासुस्ती तथा साहु महाजनको पक्षमा निर्णय गर्ने गरेको भन्दै आफूहरुले बुधबार प्रहरी प्रशासनविरुद्ध नारावाजीसहित जुलुस प्रदर्शन गरेको पीडितहरुले बताएका छन् । अनुचित लेनदेन सम्बन्धी जिल्ला प्रहरी कार्यालय सर्लाहीमा अहिलेसम्म २ हजार ३ सय २६ वटा मुद्दा दर्ता भएको छ । जसमा ७ सय ७१ वटा मुद्दा फछ् र्यौट गरिएको छ भने १५ सय २४ मुद्दाको कारबाही प्रक्रिया अघि बढाइएको जिल्ला प्रहरी कार्यालय सर्लाहीले जनाएको छ । जसमध्ये ३१ वटा मुद्दा मिलानमा कुरा नमिलेपछि आवश्यक कारबाहीका लागि मिटरब्याज सम्बन्धी कानुन २०८० बमोजिम मुद्दा दर्ता गरी कारबाही प्रक्रिया अघि बढाइएको सर्लाही प्रहरीले जनाएको छ ।

यता मिटरब्याज पीडितहरुले प्रहरीमाथि साहु महाजनको पैसा लिएर महाजनहरुकै पक्षमा निर्णय गरेको भन्ने आरोप लगाउँदै आएको छ । मिटरब्याज पीडितहरु माथि साहु महाजनले गुण्डा परिचालन गरी कुटपिट गरिरहेको मिटरब्याज पीडित संघर्ष समिति सर्लाहीका अध्यक्ष रुकमनी चौधरीले बताइन् । उनले पीडितहरु माथि पिडकले अब कुटपिट गर्न थालेको छ । कुटपिट हुँदा प्रहरीले समेत मिटरब्याज पीडितलाई दबाउन खोजेको आरोप उनले लगाइन् ।

The post मिटरब्याज पीडितद्वारा प्रहरी कार्यालय घेराउ appeared first on Janakpur Today.

Source : https://ejanakpurtoday.com/2024/10/03/99402/