सिन्धुली । असोज ११ र १२ गते सुनकोशी नदिमा आएको बाढीका कारण भत्किएको सिन्धुली रामेछाप जोड्ने खुर्कोटको पुल निर्माणको काम शनिबारदेखि सुरु भएको छ ।

मध्यपहाडी राजमार्गमा पर्ने र सिन्धुली रामेछाप जोड्ने यो पुलको निर्माणको जिम्मा सरकारले नेपाली सेनालाई दिएको छ । नेपाली सेनाले पुलको सर्वेक्षणको काम शुक्रबार हेलिकप्टरबाट गरेको थियो ।

हेटौडाबाट बेलिव्रिजको सामान लिएर हिडेका गाडी शनिबार दिउँसो खुर्कोटमा पुगेपछि निर्माणको काम सुरु भएको हो । अस्थायी रुपमा यातायात सञ्चालनका लागि सरकारले बेलिव्रिज निर्माणका लागि नेपाली सेनालाई जिम्मा दिएको थियो ।

बाढीले सुनकोशी नदीमा रहेको पक्किपुल रामेछापतर्फको आधा भाग बगाएको थियो । रामेछाप तर्फको पुलको मुख्य पिलर भने बाढीले बगाएको छैन । यो पुल रामेछापको लाईफलाईनका रुपमा पनि लिईन्छ । दशैं अगाडि नै पुल सञ्चालनमा ल्याउने गरि पुल निर्माणको काम सुरु गरिएको छ ।

The post सिन्धुली रामेछाप जोड्ने खुर्कोटको पुल निर्माण सुरु appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/101805/