सिन्धुली । काठमान्डौबाट मोरङतर्फ जाँदै गरेको हायस विपी राजमार्गको कमलामाई नगरपालिका वडा नं. ८ सिस्नेरीमा दुर्घटना भएको छ । शुक्रबार विहान वा५ख६६१८ नम्बरको हायस दुर्घटना हुँदा हायस चालक सहित १५ जना घाईते भएका छन ।

हायस अनियन्त्रित भई नालीमा ठोक्किएर दुर्घटना भएको जिल्ला ट्राफिक प्रहरी कार्यालय सिन्धुलीका प्रमुख इश्वर बहादुर थापाले बताए । उनका अनुसार घाईतेहरुको सिन्धुली अस्पतालमा उपचार भईरहेको छ ।

दुर्घटनामा परि मोरङको सुन्दरहरैचा नगरपालिका ९ का अनुज सुन्दास, सुन्दरहरैचा १९ का प्रकाश उप्रेती, सुनसरीको इटहरी उपमहानगरपालिका १९ का सिसम घिमिरे, झापा विर्तामोड नगरपालिका ५ का समिर तामाङ, सुनसरीको इटहरि उपमहानगरपालिका ६ की विजया तिमल्सिना, मोरङ लेटाङ नगरपालिका ६ का गोपाल नेपाली, मोरङ लोटाङ १ का दिपेश राई घाईते भएका छन ।

यस्तै मोरङको मधुमल्ला गाउँपालिका ९ का बम बहादुर खड्का र नेत्र बहादुर खड्का, पाँचथर याङवरक गाउँपालिका ४ का विक्रम सुन्दास र सुजन सुन्दास, धनकुटाको मदलक्षिन नगरपालिका १ का गोरख बुढाथोकी, मोरङको सुन्दरहरैंचा नरपालिका १ का उपेन्द्र खतिवडा, विराटनगर महानगरपालिका ८ का अतुल कटुवाल र तेह्रथुम छत्रश्रीमा ६ का तिर बहादुर लिम्बु घाईते भएको थापाले जानकारी दिएका छन ।

The post सिस्नेरीमा हायस दुर्घटनामा १५ जना घाइते appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/101752/