स्थानीय तह उपनिर्वाचनः आज उम्मेदवारको नामावली प्रकाशन गरिँदै
काठमाडौँ – आज स्थानीय तह उपनिर्वाचनका लागि उम्मेदवारहरूको नामावली सार्वजनिक हुँदैछ। निर्वाचन कार्यतालिकाअनुसार साँझ ५ देखि ६ बजेसम्म उम्मेदवारहरूको नामावली प्रकाशन गरिनेछ।
मङ्सिर ५ गते बिहान ९ बजेदेखि अपराह्न १ बजेसम्म उम्मेदवारहरूले आफ्नो नाम फिर्ता लिन सक्नेछन्। सोही दिन दिउँसो १ बजेदेखि ३ बजेसम्म अन्तिम नामावली प्रकाशित हुनेछ। त्यसपछि दिउँसो ३ बजेदेखि ५ बजेसम्म उम्मेदवारहरूलाई निर्वाचन चिह्न प्रदान गरिनेछ।
उपनिर्वाचनमा मतदान मङ्सिर १६ गते बिहान ७ बजेदेखि अपराह्न ५ बजेसम्म हुनेछ। यसपटक गाउँपालिका अध्यक्ष, उपाध्यक्ष, नगरपालिकाका प्रमुख र उपप्रमुखका आठ रिक्त पदका लागि कुल ८४ जनाले उम्मेदवारी दिएका छन्। तीमध्ये ३५ महिला, ४८ पुरुष र एक अन्य छन्।
गाउँपालिका र नगरपालिकाका वडाध्यक्षका ३४ रिक्त पदका लागि ३२३ जनाले उम्मेदवारी दिएका छन्। तीमध्ये २९ महिला, २९३ पुरुष र एक अन्य उम्मेदवार छन्।
The post स्थानीय तह उपनिर्वाचनः आज उम्मेदवारको नामावली प्रकाशन गरिँदै appeared first on Samudrapari.
