सप्तरी – सप्तरीको राजगढ गाउँपालिका वडा नम्बर ४ बाट प्रहरीले १७ क्विन्टल १७ किलो गाँजा बरामद गरेको छ । बालुवा र गिट्टीले छोपर टिपरमा भारततर्फ लैजाँदै गरेकाे अवस्थामा प्रहरीले गाँजा बरामद गरेको हो । प्रहरीले गाँजासहित एक जना तस्करलाई समेत पक्राउ गरेको जिल्ला प्रहरी कार्यालय सप्तरीका प्रमुख एवम् प्रहरी उपरीक्षक (एसपी) ढकेन्द्र खतिवडाले जानकारी दिनुभयो । पछिल्लो समय सप्तरीको विभिन्न सीमावर्ती नाकाहरूमा गाँजा तस्करी फस्टाएकाे स्थानीयवासीले बताएका छन् ।

Source : https://ujyaaloonline.com/story/109000/2024/11/19/17-quintal-of-marijuana-seized-in-saptari