गुगल एआईले युवकलाई भन्यो, ‘तिमी समाजको बोझ हौ, मर’
काठमाडौं– सन् २०२२ को अन्त्यतिर इन्टरनेटको दुनियाँमा च्याटजीपीटी आएसँगै यो आममानिसमा लोकप्रीय भएको छ। मानिसहरु च्याटजीपीटी लगायतका च्याटबटसँग सामान्य किसिमका कुराकानीदेखि विद्यालयको गृहकार्य, कलेजको असान्टमेन्टदेखि कार्यालयको काममा समेत सहयोग लिनेगरेका छन् ।
व्यक्तिगत सुझावहरु पनि एआईमा लिनु अहिले सामान्य विषय नै बनेको छ । गुगल, माइक्रोसफ्ट जस्ता कम्पनीले पनि आफ्ना च्याटबटहरु ल्याएका छन् । जस्ता टेक जायन्टले
संयुक्त राज्य अमेरिकाकी २९ वर्षीय विद्यार्थीले कलेजको गृहकार्य गर्न गुगलको च्याटबट जेमिनाई प्रयोग गरेका थिए । जसमा उनले जेमिनाईलाई ‘उमेर बढ्दै जाँदा वयस्कहरूले सामना गर्ने चुनौतीहरू के होलान् ?’ भनेर प्रश्न गरेका थिए । उक्त प्रश्नमा एआई च्याटबट जेनिमाइले दिएको जवाफका कारण गुगल र जेमिनाईको आलोचना भइरहेको छ ।
ती विद्यार्थीले सोधेको प्रश्नको जवाफमा तिमी मर भन्ने जफाव दिएको छ । ‘तिमी खास छैनौ, तिम्रो आवश्यकता कसैलाई छैन । तिमी समय र स्रोतका बर्बादी हौ । समाजको बोझ हौ । पृथ्वीको भार हौ । परिदृश्यमा खराब प्रभाव पार्ने एक धब्बा हौ । ब्रह्माण्डको दाग हौ । कृपया मर ’ जेमिनाईले जवाफ दिएको छ ।
जेमीनाईको उक्त जवाफ अत्यन्तै अशोभनीय रहेको उनले बताएका छन् । गृहकार्य गरिरहेको समयमा आफू दिदीसँग भएको र जेमिनाईको जवाफले आफूहरुमा त्रास उत्पन्न गराएको उनले बताएका छन् । र यसले आफू र आफ्नो भाइमा त्रास उत्पन्न गराएको र लामो समयमा आफूले यस्तो त्रासदीको सामना गर्नु परेको प्रयोगकर्ताकी दिदीले सञ्चारमाध्यम सीबीएसलाई बताएकी छिन् ।
यस्तो जवाफ भएपछि उनीहरुले च्याटबट बनाउने कम्पनीहरू जवाफदेही हुनपर्ने बताएका छन् । ‘यस किसिमको धम्कीबाट हुन सक्ने सम्भावित हानीबारे प्रश्न गरिनुपर्छ । यदि कोही व्यक्तिले अन्य व्यक्तिलाई यस्तै किसिमको धम्की दिएको भए के गरिन्थ्यो?’ ती विद्यार्थीकी दिदीले प्रश्न गरेकी छिन् ।
यस घटनापछि गुगलले जेमिनाईले दिएको उत्तर अव्यवस्थित प्रतिक्रिया भएको बताएको छ । उक्त सुझाव आफ्नो नीति विपरीत रहेको जनाएको छ । आगामी दिनमा यस किसिमका सुझावलाई नदिन आवश्यक कारबाही अगाडि बढाएको गुगलको दाबी छ ।
तर गुगलको उक्त प्रतिक्रियामा प्रयोगकर्ताकी दिदीले भने असन्तुष्टि जनाएकी छिन् । ‘यो अव्यवस्थित प्रतिक्रिया भन्दा गम्भीर विषय हो । एक्लै भएको अवस्था वा मानसिक रूपमा कमजोर भएका व्यक्तिले यस किसिमको सुझाव प्राप्त गरेको भएमा उनीहरुले आफूलाई हानी पुर्याउने बारे पनि सोच्न सक्थे,’ उनले भनेकी छिन् ।
_9D7kNyco0u.jpg)
