गुल्मी । गुल्मीको इस्मा गाउँपालिका वडा नम्बर १ गोडाकाचौरका कुल बहादुर सुनार विगत १३ दिनदेखि सम्पर्क बिहिन भएका छन् । कात्तिक ३ गते बिहान ५ बजे घरबाट हिडेका उनी अहिलेसम्म पनि भेटिएका छैनन् ।

घरमा कसैलाई केही नभनी हिडेपछि छोरा अजितले अर्को दिन कात्तिक ४ गते प्रहरी चौकी हस्तिचौरमा बुवाको खोजि गरिदिन भन्दै निवेदन दिएका थिए ।

प्रहरीले सोही दिन नै गुल्मीको मुख्य नाका रिडी लगायतका विभिन्न ठाउँमा खोजिकार्य पनि गरेको थियो । हालसम्म जिल्ला एवं बाहिरका अधिकाशं ठाउँमा खोजि गरेपनि नभेटिएको जिल्ला प्रहरी कार्यालय गुल्मीका इन्स्पेक्टर भुपेन्द्र थापाले जानकारी दिए ।

छोरी एन्जलका अनुसार घरमा कुल बहादुरसँग कुनै झगडा परेको थिएन । ‘बिहान बुवा एक्कासी हिड्नुभयो, अहिलेसम्म कुनै अत्तोपत्तो छैन ।’ छोरी एन्जलले भनिन्, ‘बुवा नहुँदा तिहार पनि पर्वजस्तो भएन ।’ परिवारले कुल बहादुरको खोजीकार्यका लागि सबैसँग अपिल समेत गरेको छ ।

The post गुल्मी इस्माका कुलबहादुर १३ दिनदेखि सम्पर्कबिहीन appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/103343/