चिबाको होटलमा महिला कर्मचारीको दुवै हात बाँधेर हत्या
टोकियो – जापानको चिबा प्रिफेक्चरको एक होटलमा महिला कर्मचारीको हत्या भएको छ । ५६ वर्षीय हिटोमी सोकीलाई चिबाको इचिहारा सिटीको एउटा सानो होटेलमा शुक्रबार बिहान मृत अवस्थामा फेला पारिएको हो ।
प्रहरीका अनुसार सोकीको शव बिहान साढे ७ बजे अर्का कर्मचारीले कामका लागि पुगेपछि फेला पारेका थिए । उनी चेक-इन काउन्टर पछाडिको भुईँमा मृत भेटिएकी थिइन् । प्रहरीकाले भन्यो, ‘ सोकीको अनुहार सुन्निएको थियो । घाँटी धारिलो हतियारले रेटिएको थियो । उनका दुवै हात बाँधिएका थिए ।’
सोकी रातिको सिफ्टमा एक्लै थिइन् । प्रहरीले बिहीबार राति होटेलमा को-को बसेका थिए भन्नेबारे अनुसन्धान गरिरहेको छ साथै वरपरको क्षेत्रमा रहेको सुरक्षा क्यामेराको फुटेज पनि जाँच गरिरहेको छ ।
The post चिबाको होटलमा महिला कर्मचारीको दुवै हात बाँधेर हत्या appeared first on Samudrapari.
