जसपाले उठायो यौनिक अल्पसंख्यक समुदायबाट उम्मेदवार
काठमाडौं– जनता समाजवादी पार्टी (जसपा) नेपालले कीर्तिपुर नगरपालिकाको प्रमुख पद र वडाध्यक्ष पदमा यौनिक अल्पसंख्यक समुदायबाट उम्मेदवार बनाएको छ । जसपा नेपालले मेयरमा दीपक महर्जन (हनी) र ४ नम्बरको वडाध्यक्षमा राजीव महर्जन (मौनी) लाई उम्मेदवार बनाएको हो ।
यौनिक तथा लैङ्गिक समुदायको अधिकारका लागि वकालत गर्दै आएको मायाको पहिचान नेपालको पहलमा जसपाले उनीहरुलाई उम्मेदवार बनाएको बताइएको छ । उनीहरुले आज जसपा नेपालको तर्फबाट मनोनयन दर्ता गराइसकेका छन् ।
आगामी मंसिर १६ गते देशभरका विभिन्न ४४ स्थानीय तह उपनिर्वाचन हुँदैछ ।
