दीपाश्रीको अध्यक्षतामा ‘कमेडी नाइट विथ च्याम्पियन’ सुरु हुँदै
काठमाडौं– कमेडी सो ‘कमेडी नाइट विथ च्याम्पियन’ सुरु हुने भएको छ । कमेडी क्लब विथ च्याम्पियनको टिमले अब ‘कमेडी नाइट विथ च्याम्पियन’ लिएर आउने भएको हो ।
यसमा संलग्न कलाकारहरुले कार्यक्रमको लोगो शेयर गर्दै कार्यक्रमको औपचारिक जानकारी दिएका छन् । विशाल भण्डारीको निर्देशन रहने यस सोमा सुमन कार्की, मेक्सम गौडेल, सजन श्रेष्ठ, कैलाश कार्की, पवन भट्टराईसँगै भरतमणि पौडेल, सन्तोष थापा, सुमन कोइराला र प्रभात लामा देखिनेछन् ।
कार्यक्रमको अध्यक्षको रूपमा कलाकार तथा निर्देशक दीपाश्री निरौला रहनेछिन् । सो भने भव्य सेटमा खिच्ने तयारी गरिएको छ । मङ्सिर अन्तिम साताबाट हिमालय टेलिभिजन र ओएसआर रियालिटीमार्फत प्रसारण हुने निर्देशक भण्डारीले जानकारी दिएका छन् ।
