नवनिर्वाचित राष्ट्रपति डोनाल्ड ट्रम्पले लिंडा म्याकमाहोनलाई शिक्षा मन्त्री नियुक्त गर्ने घोषणा गर्नुभएको छ । म्याकमाहोन वाणिज्य मन्त्री बन्ने चर्चा चलिरहेको बेला ट्रम्पले शिक्षा मन्त्रीको रुपमा घोषणा गर्नुभएको हो ।

ट्रम्पले अर्का ट्रान्जिसन सह अध्यक्ष हावर्ड लुट्निकलाई वाणिज्य मन्त्रीको रुपमा नियुक्त गर्नुभएको थियो । दशकौंको नेतृत्व अनुभव र शिक्षा तथा व्यवसायको गहिरो बुझाई प्रयोग गरी अमेरिकी विद्यार्थी र कामदारको नयाँ पुस्तालाई सशक्त बनाउने शिक्षामन्त्रीबाट अपेक्षा गरिएको छ ।

शिक्षा राज्यहरूमा फिर्ता लैजानेछौं, र लिंडाले त्यस अभियानको नेतृत्व गर्नुहुनेछ ट्रम्पले विज्ञप्तिमा भन्नुभएको छ । ट्रम्पको पहिलो कार्यकालमा व्यवसाय प्रशासनकी प्रशासकको रूपमा उहाँले काम गर्नुभएको थियो ।

उहाँ अमेरिका फर्स्ट पोलिसी इन्स्टिच्युट (AFPI) की बोर्ड अध्यक्ष पनि हुनुुहुन्छ । धेरै रिपब्लिकनहरूको लागि समग्र लक्ष्य भनेको स्थानीय शिक्षामा संघीय सरकारको भूमिकालाई घटाउनु रहेको छ ।

कम सर्तहरू राखेर राज्यहरू र विद्यालयहरूलाई अनुदान वितरण गरेर यो लक्ष्यलाई हासिल गर्न सकिने उनीहरुको बुझाइ रहेको छ ।

नयाँ शिक्षा मन्त्रीको नेतृत्वमा विभागले बाइडेन प्रशासनद्वारा लागू गरिएको टाइटल क्ष्ह् का परिवर्तनहरू उल्टाउन औपचारिक प्रकृयाको सुरुवात गर्ने अपेक्षा गरिएको छ ।

नयाँ नियमले ट्रान्सजेंडर विद्यार्थीलाई बालिकाहरूको खेल टोलीमा खेल्न रोक्ने छ । जसलाई ट्रम्पको चुनावी अभियानको मुद्दा बनाइएको थियो ।

ट्रम्पको पहिलो राष्ट्रपतिको चुनावी अभियानको समयमा उहाँले ट्रम्प समर्थक सुपर पीएसीलाई ७ मिलियन डलर भन्दा बढी दान गर्नुभएको थियो ।

Source : https://www.khasokhas.com/211725