बुल्गेरिया पठाउने भन्दै ५ लाख ठग्ने दुई जना पक्राउ
काठमाडौं । वैदेशिक रोजगारीका लागि बुल्गेरिया पठाईदिने भन्दै रकम ठगी गर्ने दुई जना पक्राउ परेका छन् । पक्राउ पर्नेमा काठमाडौँ महानगरपालिका वडा नं. ३ बसुन्धरा बस्ने ४१ वर्षीय टंक प्रसाद सुबेदी र ४४ वर्षिया नीता गौतम सुबेदी रहेका छन् ।
काठमाडौँ उपत्यका अपराध अनुसन्धान कार्यलयबाट खटिएको प्रहरीले टोलीले उनीहरुलाई बसुन्धराबाट पक्राउ गरेको हो ।
उनीहरुले आकर्षक तलबको प्रलोभनमा पारेर तीन जनालाई बुल्गेरिया पठाईदिने भन्दै ५ लाख ४० हजार रुपैयाँ ठगी गरेको प्रहरीले जनाएको छ ।
हाल उनीहरुलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।
