राजविराज । अनुगमनको नाउँमा आफूहरुलाई चाडपर्वको बेला पनि अनावश्यक रुपमा दुःख दिन थालेको भन्दै यहाँका व्यापारीहरु आन्दोलित भएका छन् । बुधबार राजविराजमा संयुक्त बजार अनुगमन टोलीले अनुगमन गरिरहँदा व्यापारीहरु भने आन्दोलनमा उत्रेका छन् ।

सो क्रममा बजार बन्द गर्दै व्यापारीहरु सडकमा टायर बालेर प्रदर्शन गर्नुका साथै स्थानीय प्रहरी प्रशासन बिरुद्ध चर्को नाराबाजी समेत गरेका छन् ।

बुधबार दिउँसो भगवती मन्दिर रोडमा रहेको गोपाल एण्ड वजरंग ट्रेर्डसमा कर कार्यालय, स्थानीय प्रशासन र उद्योग वाणिज्य संघका प्रतिनिधिहरुको टोलीले अनुगमन गर्दा खुकुरी चुरोटको बट्टामा आन्तरिक राजस्व कार्यालयको नक्कली स्टिकर टाँसिएको भेटिएपछि चुरोट नियन्त्रणमा लिएको थियो ।

प्रदर्शनकारी व्यापारीहरुले सीमामा तस्करी रोक्न प्रहरी प्रशासनले कडाई नगरेको तर अनुमगनको नाममा व्यापारीहरुलाई अनावश्यक तनाव दिने गरेको आरोप लगाएका छन् ।

The post सप्तरीका व्यापारी आन्दोलित appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/102104/