सुर्खेतमा गाडी दुर्घटना हुँदा तीन जनाको मृत्यु, २४ जना घाइते
सुर्खेत– सुर्खेतमा गाडी दुर्घटना हुँदा तीन जनाको मृत्यु भएको छ। शुक्रबार दिउँसो सवा दुई बजे दैलेखबाट सुर्खेत आउँदै गरेको कर्णाली प्रदेश ०२००१ ख ९९८ नम्बरको गाडी दुर्घटनामा परेको हो।
दुर्घटनामा ज्यान गुमाउनेहरुको पहिचान हालसम्म खुलि नसकेको जिल्ला प्रहरी कार्यालय सुर्खेतका प्रवक्ता डिएसपी वीरेन्द्रवीर विश्वकर्माले बताएका छन् । उनीहरुको घटनास्थलमा नै मृत्यु भएको उनले जानकारी दिइ ।
यस्तै उक्त दुर्घटनामा परेर २४ जना भन्दा बढी घाइते भएका छन् । उनीहरुलाई उपचारका लागि कर्णाली प्रदेश अस्पतालमा लगिएको डिएसपी विश्वकर्माले बताए।
गाडी सडकबाट तल खसेको थियो। गाडीमा कति सवार थिए र कसरी दुर्घटना भयो भन्ने खुल्न बाँकी छ।
_OBs1dAnNvp.jpg)
