आफ्नै घरमा सुतिरहेका साथीलाई साबेल हिर्काएर हत्या
हेटौंडा– मकवानपुरमा आफ्नै घरमा सुतिरहेका साथीलाई साबेलले हिर्काएर हत्या गरेको आरोपमा एक जना पक्राउ गरेका छन् ।
मनहरी गाउँपालिका–६ प्रतापुरका अम्मरबहादुर लोप्चन ५० वर्षीय जीतबहादुर मोक्तानको हत्या गरेको आरोपमा पक्राउ परेका हुन् । गएराति जीतबहादुरअम्मरको घरमा सुतेका थिए । राति एक बजेतिर जीतबहादुरलाई एक्कासी साबेलले हानेका थिए ।
साबेल प्रहारबाट जीतबहादुरको टाउको र खुट्टामा चोट लागेको थियो । सोपछि गम्भीर घाइते भएका मोक्तानको उपचारको क्रममा भरतपुर अस्पताल चितवनमा लागिएको थियो । उनको बिहान साढे ३ बजे मृत्यु भएको प्रहरीको भनाई छ ।
मोक्तान र लोप्चनसँगसँगै निर्माण क्षेत्रमा मजदुरी गर्दै हिंड्ने र दुवै जना प्रायजसो लोप्चनको घरमा सुत्ने गरेका थिए । लोप्चनले सुतिरेका मोक्तानमाथि एक्कासी साबेल किन प्रहार गरे भन्ने विषयमा अनुसन्धान भइरहेको प्रहरीको भनाइ छ ।
