पूर्व राजा ज्ञानेन्द्र शाहले लुम्बिनीमा गरे हजार बुद्ध मन्दिरको पूजा
समाचार सुन्नुहोस :
काठमाडौँ – पूर्वराजा ज्ञानेन्द्र शाहले रुपन्देहीको लुम्बिनीस्थित हजार बुद्ध मन्दिरमा विशेष पूजाअर्चना गरेका छन्। मन्दिर उद्घाटनको अवसरमा आयोजित धार्मिक कार्यक्रममा पूर्वराजाले सहभागिता जनाएका हुन्। शुक्रबार बिहान चार्टर विमानमार्फत भैरहवाको गौतमबुद्ध अन्तर्राष्ट्रिय विमानस्थलमा पुगेका उनलाई समर्थक, शुभेच्छुक तथा राप्रपाका नेता–कार्यकर्ताले स्वागत गरेका थिए।
पूर्वराजाको भ्रमणलाई लिएर स्थानीय क्षेत्रमा उत्साह देखिएको थियो। कार्यक्रममा सहभागी भएका पूर्वराजा ज्ञानेन्द्र दिउँसो चार बजे काठमाडौँ फर्किने तालिका रहेको उनको सचिवालयका सचिव फणीन्द्र पाठकले जानकारी दिए।
The post पूर्व राजा ज्ञानेन्द्र शाहले लुम्बिनीमा गरे हजार बुद्ध मन्दिरको पूजा appeared first on Samudrapari.
