प्रधानमन्त्री ओली र रक्षामन्त्री राईसँग भारतीय स्थल सेनाध्यक्षको शिष्टाचार भेट
काठमाडौँ।
नेपालको औपचारिक भ्रमणमा रहेका मित्रराष्ट्र भारतका स्थल सेनाध्यक्ष जनरल उपेन्द्र द्विवेदीले शुक्रबार प्रधानमन्त्री के.पी. शर्मा ओलीसँग प्रधानमन्त्रीको कार्यालय, सिंहदरवारमा शिष्टाचार भेटघाट गरेका छन् ।
जनरल द्विवेदीले आजै रक्षा मन्त्रालयमा रक्षा मन्त्री मानवीर राईसँग समेत शिष्टाचार भेटघाट गरेका छन्।
भारतीय स्थल सेनाध्यक्ष जनरल द्विवेदीले अजै बिहान माउण्टेन फ्लाईटमार्फत विभिन्न हिमालहरुको अवलोकन गरेका थिए । तत्पश्चात् उनले, शिवपुरीस्थित सैनिक कमाण्ड तथा स्टाफ कलेजको समेत भ्रमण गरे । सो अवसरमा उनलाई उक्त कलेजका विविध गतिविधिहरु बारे जानकारी गराईनुका साथै उनले कलेजमा तालिमरत सैनिक कमाण्ड तथा स्टाफ तालिमका शिक्षार्थी अधिकृतहरुसँग अन्तरक्रिया गरेका थिए।
