काठमाण्डौ – काठमाण्डौको लाजिम्पाट, पानीपोखरी, बालुवाटारलगायत क्षेत्रमा केवल लाइन विस्तारका लागि आज बिजुली कटौती हुने नेपाल विद्युत् प्राधिकरणले जनाएको छ । प्राधिकरणले सूचना प्रकाशित गरेर महाराजगञ्ज वितरण केन्द्रको लाजिम्पाट फिडरअन्तगर्तका क्षेत्रमा आज बिहान ११ बजेदेखि दिउँसो ३ बजेसम्म बिजुली कटौती हुने जनाएको हो । तोकिएको कार्य निर्धारित समय अगावै सम्पन्न भएमा समयभन्दा अगाडी नै विद्युत् आपूर्ति नियमित सञ्चालनमा आउनसक्ने प्राधिकरणले जनाएको छ ।

Source : https://ujyaaloonline.com/story/109271/2024/11/26/power-outages-expected-in-some-areas-of-kathmandu-