नेपाल कबड्डी लिगको लोगो र टोली सार्वजनिक
काठमाडौँ ।
नेपाली कबड्डीको पहिलो फ्रेन्चाइज प्रतियोगिता नेपाल कबड्डी लिग (एनकेएल) को आधिकारिक लोगो तथा प्रतियोगितामा खेल्ने ६ वटा टोली सार्वजनिक भएको छ।
शुक्रवार एक कार्यक्रमबीच गृहमन्त्री रमेश लेखकले लोगो सार्वजनिक गरेका हुन्। सोही अवसरमा फ्रेन्चाइज टोली पनि सार्वजनिक गरिएको हो । प्रतियोगिताको पहिलो संस्करणमा काठमाडौँ, पोखरा, विराटनगर, जनकपुर, धनगढी र बुटवल शहरको ६ टोलीको सहभागिता रहनेछ ।
पुरुष कबड्डी लिगका लागि अखिल नेपाल कबड्डी संघले गत वर्ष नै एस्ट्रोनिक्स म्यानेजमेन्टसँग १० वर्षको सम्झौता गरेको थियो । उक्त कार्यक्रममा युवा तथा खेलकुदमन्त्री, नेपाल ओलम्पिक कमिटीका अध्यक्ष लगायत अन्य विभिन्न राष्ट्रिय खेल संघका पदाधिकारीको उपस्थित रहेको थियो ।
