विदेश पठाउने भन्दै रकम ठगी गर्ने दुई जना पक्राउ
काठमाडौँ । वैदेशिक रोजगारीका लागि विभिन्न देश पठाईदिने भन्दै रकम ठगी गर्ने दुई जना पक्राउ परेका छन् । पक्राउ पर्नेमा काठमाडौँ जिल्ला नागार्जुन नगरपालिका वडा नं. ०५ सितापाइला बस्ने ३९ वर्षीय सुवर्ण कुमार बल र टोखा नगरपालिका वडा नं. ८ बस्ने २८ वर्षिया मनिषा कुमारी रहेका छन् ।
उनीहरुलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले काठमाडौँ उपत्यकाको विभिन्न स्थानबाट पक्राउ गरेको हो ।
पक्राउ परेकामध्ये सुवर्ण कुमार बलले एक जनालाई क्रोएसिया पठाउने भन्दै १५ लाख रुपैयाँ र मनिषा कुमारीले एक जनालाई दुबई पठाउने भन्दै २ लाख ४५ हजार रुपैयाँ ठगी गरेका थिए ।
हाल उनीहरुलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाइएको प्रहरीले जनाएको छ ।
Source : https://arthasarokar.com/2024/11/two-arrested-for-defrauding-money-by-saying-to-send-it-abroad.html
