विपिन र मिरुनाको ‘उनको स्वीटर’ वैशाख २६ बाट रिलिजमा आउने
फिल्म ‘उनको स्वीटर’को फस्टलुक सार्वजनिक गर्दै प्रदर्शन मिति तय गरिएको छ । यो फिल्मलाई वि.सं २०८२ सालको वैशाख २६ गतेबाट रिलिज गर्ने घोषणा यसको निर्माणपक्षले गरेको छ । सार्वजनिक पोष्टरमा नायक विपिन कार्की र नायिका मिरुना मगरलाई देख्न सकिन्छ ।
फिल्मको शीर्षकलाई उनको धागोले बुनिएको डिजाइनमा तयार पारिएको छ । यो फिल्ममा सुनिल पोखरेल, माओत्से गुरुङ, विल्सन विक्रम राई, प्रेम सुब्बा, एलेक्स पारस, परीक्षा लिम्बु, सुरज तमु, शारदा देवी सिलवाल, भावना खपाङ्गी लगायतका कलाकारहरुको अभिनय छ ।
नवीन चौहानको निर्देशनमा तयार भएको यो फिल्मलाई आर्टमाण्डूले पं्रा.लिले निर्माण गरेको हो । सुजन चापागाँई र झुमा लिम्बुको संगीत रहेको यो फिल्ममा चिन्तन राज भण्डारीको छायांकन, कृष्ण भण्डारीको सम्पादन छ ।
