एजेन्सी । हेलिकोप्टर दुर्घटनामा परी इरानका राष्ट्रपति इब्राहिम रइसीको मृत्यु भएको छ । रइसीसँगै हेलिकोप्टरमा सवार विदेशमन्त्री हुसेन अमीर अब्दुल्लाहियनको पनि मृत्यु भएको इरानी सरकारी मिडियाले उल्लेख गरेका छन् । त्यस्तै उक्त हेलिकोप्टरमा रहेका अन्यको पनि मृत्यु भएको छ ।

आइतबार साँझ हेलिकोप्टर दुर्घटना भएको थियो । समाचार एजेन्सी एपीलाई उद्धृत गर्दै बीबीसीले हेलिकोप्टरमा बडिगार्ड, पाइलट, को-पाइलट, सुरक्षा प्रमुखलगायत अधिकारी सवार थिए ।

पछिल्लो जानकारी उद्धारकर्ताहरू हेलिकोप्टर क्र्यास भएको स्थानमा पुगेपछि आएको हो । यसअघि इरानी सरकारी मिडियाले हेलिकोप्टर दुर्घटनामा परेकाहरूको बाँच्ने सम्भावना नदेखिएको उल्लेख गरेको थियो ।

The post हेलिकोप्टर दुर्घटनामा इरानी राष्ट्रपति र विदेशमन्त्रीको मृत्यु first appeared on Outline News Service.

Source : https://outlinekhabar.com/old/irain/?utm_source=rss&utm_medium=rss&utm_campaign=irain