आज कमला नदीमा ‘भूत मेला’
परापूर्वकालदेखि नै कमला नदीमा स्नान गरेर कमलेश्वरी माताको शुक्रबार पूजा अराधना गर्ने गरिन्छ । धनुषा–सिरहासंग जोडिएको कमला नदीमा स्नान गर्न दुरदराजबाट समेत श्रद्धालु भक्तजनहरुको घुइँचो लाग्ने गर्छ ।
कार्तिक पुर्णिमाको अवसरमा नयाँ सिकारी धामी झाँक्रीहरु आ–आफ्ना गुरुबाट दिक्षा लिई कमला नदीमा स्नान गरी कमलेश्वरी माताको पूजा अराधना गरी देउता अर्थात भूत खेल्ने धार्मिक परम्परा रहेको छ । सो दिन कमला नदीमा लाग्ने मेलामा हजारौँको संख्यामा धामी झाँक्रीहरुसमेत सहभागी हुने गरेका छन् ।
यस मेला सिरहा, धनुषा, महोत्तरी, सप्तरी, उदयपुर र सीमावर्ती भारतको मधुवनी, दरभंगा, समस्तीपुरलगायत जिल्लाका लाखौं मानिस कमला नदीमा स्नान गर्न श्रद्धालु भक्तजनहरु आउने गर्छन् ।
सबैला र कमला नगरपालिकामा विदा
धनुषाको सबैला र कमला नगरपालिकाले कमलेश्वरी माताको पूजाअर्चनाका लागि सार्वजनिक विदा दिएको छ ।
हिन्दू धर्मावलम्बीहरुले कार्तिक पुर्णिमाको दिन कमला नदीमा स्नान गर्दै पूजापाठ गरी कार्तिक पुािर्णमा मनाउनका लागि सबैला नगरपालिकाले शुक्रबार सार्वजनिक विदा दिएको सबैला नगरपालिकाका मेयर कारीराम यादवले बताए ।
त्यस्तै कमला नगरपालिकाले बिहीबार र शुक्रबार गरी दुई दिनको सार्वजनिक विदा दिएको कमला नगरपालिकाका मेयर विश्वेश्वर यादवले बताए । विदाको दिन नगरपालिका अन्तर्गत सम्पूर्ण सामुदायिक विद्यालय, वडा कार्यालय, स्वस्थ्य संस्था र नगर कार्यपालिकाको कार्यालयसमेत सार्वजनिक विदा रहने मेयर यादवले बताए ।
The post आज कमला नदीमा ‘भूत मेला’ appeared first on Janakpur Today.
