चुच्चे नक्सासहितको नयाँ नोट छाप्दै नेपाल राष्ट्र बैंक
काठमाडौँ । नेपाल राष्ट्र बैंकले चुच्चे नक्सासहितको नयाँ नोट छाप्ने भएको छ । राष्ट्र बैंकले कालापानी, लिपुलेक र लिम्पियाधुरासहितको चुच्चे नक्सा राखेर नयाँ नोट छाप्ने भएको हो ।
राष्ट्र बैंकले पहिलो चरणमा एक सय रुपैयाँ दरका ३० करोड नोट छाप्ने भएको छ । नोटको डिजाइन, छपाई र डेलिभरीसहितको टेण्डर चिनियाँ बैंक नोट प्रिन्टिङ एण्ड मिन्टङ कर्पोरेसनले पाएको छ ।
कम्पनीले कुल ८९ लाख ९६ हजार पाँच सय ९२ डलर (२० करोड रुपैयाँ)मा ठेक्का पाएको हो । जसअनुसार प्रति नोट लागत चार रुपैयाँ दुई पैसा पर्नेछ ।
