बारा । बारामा ब्राउन सुगर सहित दुइ जना पक्राउ परेको प्रहरीले जनाएको छ । प्रहरीले बिहिबार प्रेस विज्ञप्ति जारी गर्दै ब्राउन सुगर सहित मानिस सार्वजनिक गरेको हो ।

प्रहरीले १० ग्राम ब्राउन सुगर सहित पर्सा वीरगन्ज म.न.पा. वडा नं – ३१ बस्ने अ. वर्ष १८ को साविर अंसारी र म.न.पा.वडा नं – २१ बस्ने अं. वर्ष ५८ को बिरेन्द्र साह रहेको प्रहरी उपरिक्षक महेन्द्र खड्काले जानकारी गराएका छन् ।

लागू औषध नियन्त्रण व्यूरो कार्यालय शाखा वीरगन्ज पर्सा र ईलाका प्रहरी कार्यालय जीतपुरको सयुक्त टोलीले ब्राउन सुगर सहित दुई जना पुरुषलाई पक्राउ गरिएको प्रहरी उपरिक्षकले जानकारी गराएका छन् ।

बाराबाट खटिएका संयुक्त प्रहरी टोलीले जिल्ला बारा जीतपुर सिमरा- ७ स्थित रहेको बैदेही पेट्रोल पम्प नजिक चेकजाँच गर्ने क्रममा पक्राउ गरिएको उनले बताए ।

वीरगन्जबाट जीतपुर तर्फ आउदै गरेको ना २२ प ९९९४ नं. को मो.सा लाई रोकि चेकजाच गर्दा मो.सा पछाडी सवार साहको पकेटबाट लागु औषध ब्राउन सुगर सहित नियन्त्रणमा लिएको प्रहरीले जनाएको छ ।

सिमरा बाराबाट लागूऔषध मुद्दा दर्ता गरि थप अनुसन्धान कार्य भइरहेको प्रहरी उपरीक्षक खड्काले जानकारी गराएका छन् । बारा जिल्लामा प्रवेश गर्ने र बाहिर जानेलाई चाडपर्व लक्षित गरि सुरक्षा व्यवस्था कडा पारिएको छ ।

The post ब्राउन सुगर सहित दुई जना पक्राउ appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/101715/