रिलिज नजिकिदा ‘तेल भिसा’ चर्चा कमजोर
शंकर घिमिरेको निर्देशन र ऋचा घिमिरेको निर्माणमा तयार भएको फिल्म ‘तेल भिसा’ शुक्रबारदेखि रिलिजमा आउँदैछ । यो फिल्मको ट्रेलर र गीत सार्वजनिक भइसकेको छ । केही हलमा त बुकिङ समेत खुलिसकेको छ ।
तर, फिल्मको रिलिज मिति नजिकिदै जाँदा यसको चर्चा सेलाएको छ । विशेषगरि, ‘ठगीको आरोप’मा शंकर र ऋचामाथि उजुरी परेपछि उनीहरु मिडियामा पनि देखिएका छैनन् । जसकाकारण, यो फिल्मलाई लिएर जती चर्चा हुनुपर्ने हो त्यो कमजोर बनेको छ ।
बजारमा यतिबेला ‘पुर्ण बहादुरको सारङ्गी र ह्रस्व दीर्घ’को चर्चा उच्च छ । यी दुबै फिल्मले बक्स अफिसमा बम्पर व्यापार गरिरहेका छन् । यस्तो अवस्थामा यी दुई फिल्मसँग प्रतिस्पर्धा गर्न ‘तेल भिसा’लाई गाह्रो पर्न सक्छ ।
विपिन कार्की, वर्षा राउत, ऋचा घिमिरे, पुजा चन्द लगायतका कलाकारहरुले अभिनय गरेको यो फिल्मले अब वर्ड अफ माउथ बलियो पाएको खण्डमा मात्र यसको व्यापारमा केही फाइदा हुने देखिन्छ ।
