काठमाडौं । मिस युनिभर्स नेपाल २०२४ सन्तोषी कार्कीले ४७ औं मिसेस युनिभर्सको ग्रान्ड फिनालेमा एउटा महत्वपूर्ण सव टाईटल हाँसिल गरेकी छिन् । अघिल्लो शुक्रबारबाट दक्षिण कोरियोको सियोलमा सुरु भएको ४७ औं मिसेस युनिभर्समा यसपटक विश्वका १४० देशका महिलाहरुले भाग लिएका थिए । जसमा नेपालबाट सन्तोषीले भाग लिएकी थिईन् । हिजो भएको मिसेस युनिभर्सको ग्रान्ड फिनालेमा सन्तोषीले ‘मिसेस युनिभर्स करिज्मा’ सब टाईटल हाँसिल गरेकी हुन् ।

गत सातामात्र मिसेस नेपाल युनिभर्स २०२४ को उपाधि चुमेकी उनले यो सफलता प्रति खुसी व्यक्ति गरेकी छिन् । आफुले हाँसिल गरेको यो उपाधीलाई अर्को एउटा सफलताको रुपमा लिएको सन्तोषीले बताएकी छिन् । बेलायतमा बस्दै आएकी सन्तोषी मिसेस युनिभर्सको ग्रान्ड फिनाले सकेर हिजै राती नै बेलायत फर्किएकी छिन् ।

लन्डन फेशन हाउसले आयोजना गरेको आन्तरिक प्रतिस्पर्धाबाट मिसेस नेपाल युनिभर्स २०२४को ताज चुमेकी सन्तोषी नेपालबाट अघिल्लो बिहिबार मिसेस युनिभर्समा गएकी थिईन,‘यसपटकको मिसेस युनिभर्समा मैले नेपाललाई चिनाउने र एउटा सब टाईटल पनि जित्ने अबसर पाएँ । कार्यक्रममा धेरै कुराहरु सिक्ने अबसर पनि मिल्यो ।’ उनले भनिन् ।

उनी ८ वर्षको छोराको आमा पनि हुन् । लन्डनको एक विश्वविधालयमा प्रध्यापनसमेत गरिरहेकी सन्तोषीले लन्डनमै रेष्टुरेन्ट व्यबसाय समेत सञ्चालन गर्दै आएकी छिन् । अन्तराष्ट्रिय युवा उधमी महासंघ बेलायतकी महासचिब समेत रहेकी सन्तोषी विभिन्न संस्थाको नेतृत्वमा रहँदै आएकी छिन् ।

सन्तोषीको यो अन्तराष्ट्रिय सफलताप्रति मिसेस नेपाल युनिभर्सकी आयोजक मनिषा डंगोल श्रेष्ठले पनि खुसी व्यक्त गरेका छन्,‘थुप्रै देशका महिलाहरु मिसेस युनिभर्सबाट खलीहात फर्कनु परेको अबस्थामा सन्तोषीले एउटा उपाधि जित्नु पनि हाम्रो लागि खुसीको कुरा हो ।’ मनिषाले भनिन् ।

The post सन्तोषीलाई कोरियामा मिसेस युनिभर्स करिज्मा उपाधि appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/102150/