अभिनेता गोविन्दा फेरी अस्पताल भर्ना
मुम्बई । बलिउड अभिनेता गोविन्दाको स्वास्थ्य फेरी नाजुक बन्दै गएको छ । गत १ अक्टोरमा आफ्नै बन्दु पड्केर खुट्टामा गोली लागेदेखि उनको स्वास्थ्य पूर्णरुपमा निको हुन सकेको छैन ।
आफ्नो स्वास्थ्य अबस्था सामान्य नहुँदा पनि उनी काममा फर्किएका थिए । उनकाले सामान्य कामहरु गर्दै आएका थिए । कामको धपेडीका कारण फेरी उनको स्वास्थ्य बिग्रँदै गएपछि अस्पताल भर्ना हुनुपरेको छ । शनिबार उनको स्वास्थ्य अकस्मात बिग्रिएपछि उनी अस्पताल भर्नाहुनु परेको हो ।
गोविन्दा शनिबार विधानसभा चुनावका लागि महायुतीका उम्मेदवारहरूको प्रचार गर्न जलगाउँ जिल्ला गएका थिए । चुनावको प्रचार प्रसारमा व्यस्त रहने क्रममा उनको स्वास्थ्य बिग्रियो ।
शनिबार नै गोविन्दा पचोरा रोड शोमा पनि गएका थिए । जहाँ सबैले उनलाई भव्य स्वागत गरे । तर अभिनेताको स्वास्थ्य बिग्रँदै गएपछि उनको कार्यक्रम तत्कालै रद्द गर्नु परेको उनको सहयोगीले बताएका छन् । यो रोड शोमा उनको खुट्टाँसँगै छाती समेत दुखेको थियो । जसका कारण उनी तुरुन्तै मुम्बई फर्केर उपचारमा जुट्नु परेको छ ।
गोविन्दाको स्वस्थ्य अबस्था’bout भने परिवार वा डाक्टरहरूबाट आधिकारिक बयान जारी गरिएको छैन । रिपोर्टमा विश्वास गर्ने हो भने गोविन्दा शनिबारदेखि अस्पतालमा भर्ना छन् । गोविन्दाको अवस्था पहिलेको भन्दा केही राम्रो भएको उनका नजिकका साथीहरुले बताएका छन् । अभिनेताको शिघ्र स्वास्थ्य लाभको कामना फ्यानहरुले निरन्तर गरिरहेका छन् ।
गत १ अक्टोबरमा गोविन्दाको खुट्टामा गोली लागेको थियो । जसका कारण उनलाई तत्काल अस्पताल भर्ना गरिएको थियो । यति मात्र होइन, ६० वर्षीय अभिनेता ३ दिनपछि अस्पतालबाट डिस्चार्ज भएका छन् । गोली लागेपछि गोविन्दा निकै कमजोर महशुस गरिरहेका थिए । उनलाई चिकित्सकहरुले पूर्णरुपमा ठिक भएपछि मात्र सार्वजनिक कार्यक्रमहरुमा जानको लागि सल्लाह दिएका थिए तथापि उनी शनिबार चुनावको ¥याली र त्यसपछि रोड शोमा पुगे । जसका कारण अस्पताल भर्ना हुनु परेको बताईएको छ ।
The post अभिनेता गोविन्दा फेरी अस्पताल भर्ना appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....
Source : https://rajdhanidaily.com/id/103961/
