दुर्घटनामा बुवाको मृत्यु, दुई छोरा घाइते
उदयपुर।
उदयपुरको त्रियुगा नगरपालिका वडा नं १३ असारी स्थित दनुवारी चोकबाट गाईघाटतर्फ आउँदै गरेको स १ त ५७४२ न.ं को ट्र्याक्टर र विपरीत दिशातर्फ जाँदै गरेको प्र १ (०५ं(००१ प ४२७३ न. को मोटरसाइकल बुधबार साँझ एकआपसमा ठक्कर खाई दुर्घटना हुँदा मोटरसाइकल चालकको मृत्यु भएको छ भने सोही मोटरसाइकल पछाडी सवार निजका दुई जना छोराहरु घाइते भएका छन् ।
दुर्घटनाको खबर प्राप्त हुनासाथ जिल्ला प्रहरी कार्यालय उदयपुर र जिल्ला ट्राफिक प्रहरी कार्यालय गाईघाट उदयपुरबाट प्रहरी टोली खटी गई मोटरसाइकल चालक त्रियुगा नगरपालिका वडा नंं १३ बस्ने वर्ष ४५ को महादेव चौधरी र सोही मोटरसाईकलमा सवार निजका दुई छोराहरु वर्ष अ १५ को दिवाकर चौधरी र वर्ष अ १० को कृष्ण चौधरीलाई उपचार्थ तत्कालै जिल्ला अस्पताल उदयपुरमा ल्याईएकोमा अस्पतालले बुबा महादेव चौधरीलाई मृत घोषणा गरेको छ । सोही मोटरसाईकलमा सवार मृतक महादेव चौधरीका दुबै छोराहरुलाई प्रारम्भिक उपचार पश्चात थप उपचारको लागि विराटनगर स्थित न्युरो अस्पताल रेफर गरिएको जिल्ला प्रहरी कार्यालय उदयपुरका प्रहरी निरीक्षक सन्तोष कार्कीले जानकारी दिएका छन्।
प्रहरीले ट्र्याक्टर चालकलाई नियन्त्रणमा लिएको छ । त्यस्तै, दुर्घटना भएको उक्त ट्र्याक्टर र मोटरसाइकल जिल्ला प्रहरी कार्यालय उदयपुरको नियन्त्रणमा रहेको प्र नि कार्कीले जानकारी दिए।
