धादिङ – पृथ्वी राजमार्गअन्तर्गत धादिङको गजुरी गाउँपालिका–६ बन्छेटारमा दुई वटा यात्रुवाहक बस ठोक्किँदा १३ जना घाइते भएका छन् । काठमाण्डौबाट गोरखातर्फ गुडिरहेको बा ४ ख ४४७६ नम्बरको बस तथा चितवनबाट काठमाण्डौतर्फ गुडिरहेको बा ५ ख ३४९५ नम्बरको बस ठोक्किएका हुन् । घाइतेलाई उपचारका लागि आदमघाट र गजुरीका स्वास्थ्य संस्थामा लगिएको जिल्ला प्रहरी कार्यालयका प्रवक्ता प्रह्लाद सिलवालले जानकारी दिनुभयो । दुर्घटनाग्रस्त बस सडकबाट पन्छाएर अवरुद्ध पुनः गाडी सञ्चालन गर्ने प्रयास भइरहेको उहाँले बताउनुभयो । तीव्र गतिमा गुडिरहेका ...

Source : https://ujyaaloonline.com/story/108545/2024/11/6/13-people-injured-in-dhading-bus-accident