विपिन कार्की अभिनीत ‘तेल भिसा’ को ट्रेलर सार्वजनिक (भिडिओ)
काठमाडौँ – अभिनेता विपिन कार्कीको दोहोरो भूमिका रहेको फिल्म ‘तेल भिसा’ को ट्रेलर हालै सार्वजनिक भएको छ। शंकर घिमिरेद्वारा निर्देशित यस फिल्ममा कार्की बाबु र छोराको भूमिकामा देखिएका छन्। आगामी मंसिर ७ मा प्रदर्शन हुने यस फिल्मले नेपाली डायस्पोरामा आधारित कथालाई उजागर गर्छ। जहाँ सन्तान भेट्न विदेश जाने र उतै बसोबास गर्ने प्रवृत्तिलाई चित्रण गरिएको छ।
फिल्ममा वर्षा राउत, ऋचा घिमिरे, पूजा लामा, बुद्धि तामाङ, सुचित्रा उप्रेतीलगायत विदेशी कलाकारहरूको पनि अभिनय रहेको छ। शंकर घिमिरेले लेखन गरेको यो फिल्ममा सुशन प्रजापतिको छायांकन, रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्धाजको संगीत समावेश छ।
फिल्मको सम्पादन अजय खड्काले गरेका छन् भने पोस्टर डिजाइन विजय बस्यालको हो। अनिल पाण्डे र शिवराज कार्कीको लगानीमा वेलडन क्रियसनको ब्यानरमा निर्माण भएको यस फिल्मको प्रस्तुतकर्ता ऋचा घिमिरे हुन्।
यस्ताे छ ट्रेलर :
The post विपिन कार्की अभिनीत ‘तेल भिसा’ को ट्रेलर सार्वजनिक (भिडिओ) appeared first on Samudrapari.
